سهرة رومنسيية.

الجزء الأول :

هي قصة من قصص الحياة اليومية بين الازواج

مؤلفه بطريقه خفيفه لطيفه وبروح النكته هي طويله شوي

بس بتمنى تقرأوها للاخر

ملاحظة...الحكي اللي بين قوسين هو تفكير الزوج أو الزوجة

الزوج و الزوجة في عراك حاد...و يشتد العراك بينهما حينا فحينا....

الزوج: كل يوم على هلحالة...كلك نكد بنكد...غير هيك و هيك مافي

مرة بحكي فيها كلمة إلا و بتحتاري كيف اطالعيني غلطان و غبي و أفكاري كلها تافهة...

الزوجة: والله شو؟ انا بقول أفكارك كلها تافهة؟

ليه من إيمتى انت كان عندك أفكار من أصلو؟

بس يكون عندك أفكار ببقى بنتقدها يا ابو عقل و عقلين...

الزوج: من طول عمرك هيك...و انا الصراحة ما عدت آدر اتحملك

الزوجة: ايه لا تتحمل...ما حدا جابرك تتحمل....بلناقص من هيك عيشة معك...

هو: هيك لكن؟ لكن يلا ورجيني عرض كتافك ...وشك ما عاد بدي شوفو بلبيت...

أنا أكتر من هيك ما عاد إلي إدرة...خلص طفح الكيييييييل...

مافي يوم بيجي فيه علبيت من بعد ما بتكون ملعونة انفاسي

من الشغل إلا و بتكوني انتي مستنيتيني مشان تعملي مشكلة

و تنكشيها من تحت أضافيرك....مشان هيك اناااااا رفعت الأربعة منك و سلمت أمري لله..

ا عاااااد بدي ياااااكي,,,,صبرت و اتحملت بما فيه الكفاية خلقتك العكرة...

هي: ايه ليه لأ...ما عاد بدك ياني انت حر...الله و علي معك...

لانو انا متلك إزا مو أكتر منك يا دفش...يلي الكلمة العاطلة على راس لسانك

و الكلمة الحلوة بتدحشها بسابع درفة ببطنك مشان ما تتطلع معك ولو سهوا...

و بعدين يا شاطر...هي كلمة ورجيني عرض كتافك مو إلي بتنقال...

انت إزا ما متحمل الله معك و ورجيني عرض كتافك...لا تنسى انو هادة البيت مسجل بإسمي

هو: يعني إزا انا أمنتلك و سجلتلك ياه باسمك بدك تزليني فيه؟

مااااشي ...يا ستي ولو كان...

.بس لا تنسي انو الولاد من حقي...والله لخليكي تحفي لتشوفين و ما تإدري..

هي: إيييييييه ما بيطلعلك...إزا احسنت لا تقصر..لا تنسى انو انت كاتبلي مقدم غير مقبوض...

والله بمجرد ما تعمل هيك لخليك تختخ بلحبوس و تستغيث و تطلب الرحمة...لخليك تآئي ما تلائي

هو: يا ستي ولا بخليكي تفرحي مني بقرش...

اييييييه ما بخليكي تعيشي دقيقة إزا بتفكري تفكير تعملي هيك شي...

لكن انا مرتي تدعي عليي؟ ايه بشرب من دمك..

هي: هههههههه ضحكتني...لا تخاف بس ادعي عليك ما رح كون لسا مرتك..

.يعني لا تخاف كتير من حكي العالم عليك...انا مأدرة انك منفخجي و ما بيهمك غير حكي العالم..

.بس شيت انك تقتلني و تشرب من دمي...ما عندي مانع...اعملها لانو النتيجة وحدة

و رح تختخ بلحبوس...المهم نفزت كلمتي...

هو(من بعد أن وجد نفسه محاصر من جميع الجوانب)

:هلأ هيك ...كل هلأد هانت عليكي العشرة و صرت هاين عليكي كل هلأد؟

ما كنت بعرفك هيك

هي(من بعد ان استعطف قلبها الرقيق): والله انا ما عملت شي...

و انت اللي هان عليك مو انا...

هو: معقول هانت عليكي عشرة سنين و ولادنا الأبرياء؟؟!!

هي: طبعا لا مستحيل يهونو عليي...و كمان مستحيل تهون

عليي السنين اللي عشناها مع بعضنا...

(يلا معليشي يا بنت..الرجال رحمة لو كان بلبيت فحمة)

هو:وانا لانو بحبك وكتبتلك البيت باسمك رح اثبتلك انو بحبك اكتر من هيك

رح سجلك المكتب باسمك

هي: ايه حبيبي والله بعرف انك بتحبني و انا ما كنت قاصدة الكلام اللي قلتو اكيد...ا

نا قلتو بساعة غضب...(يلا زيادة الخير خيرين)

هو: وبعرف انو كل ما دق الكوز بالجرة بدك تقليلي حميل جاكيتك معك

هي (انحرجت): احم..اممممه...اييييييييه حبيبي شبك؟ قلنالك ساعة غضب

هو: و بلكي ساعة هلغضب صارت مرة تانية؟

هي: لا خلص وعد..ما عاد بحياتي ساوي هيك شي...هادة كان درس إلي...

هو: خلص حبيبتي بأقرب وقت ما بتلاقيني غير عم قلك امشي ننزل علطابو

(علمشمش يا خيار...احلمي لقلك احلمي)

هي: يييييييي ريتك تسلم لقلبي يا تاج راسي...والله مافي منك حبيب قلبي

و كسار راسي

هو: حبيبتي...شو رأيك نطلع انا وياكي نسهر هلأ بمناسبة عيد زواجنا...

هي: حبيبي بس هلأ مو عيد زواجنا..لسا بقيان عليه شهر!!!

هو(بإحراج): يا عمري يعني ضروري قلك انو مشان صالحك...

بعدين مشان نرجع إيام الخوالي يا قلبي

هي: ييييييي ريتك تشكل آسي يا حبيب قلبي...يلا منروح ليه لأ؟

(ههههه مفكر حالو يضحك عليي بعشا)يلا عطيني وقت بس لحتى غير تيابي...

هو: يلا عيوني لا تتأخري...

هي: حاضر..من عيوني...سواني

((((بعد نصف ساعة....)))

هي: جهزت انا حبيبي....

هو: ايه يا ما شاء الله...يا أرض احرسي ما عليكي...ايه شو هاد؟

شو هاااااااااد...شو انا آخد ملكة جمال العالم و مالي دريان؟

ريتو لا يبلى ولا يتخ إلهييييييي هلقامة و هلقد المياس...

ايه ميلي عليا ميلي ريتك تسلميلي

هي: خجلتني حياتي...عيونك الحلوة..

(مو على كيفك..غصب عنك ملكة جمال الكون مو بس العالم...بس انت ما عندك نظر)

هو: يلا حياتي وين حابة تتعشي؟

هي: مو فرقانة معي المهم مكان حلو.......بس بدي اسالك سؤال

هو: اتفضلي حياتي...

هي: بس انو الطرطيرة اللي اشتريناها من عشرين سنة فيها بينزين؟

يعني انا ما قصدي شي ولا تفكر انو قصدي قول انك بخيل و حتى بينزين

ما بتعبي فيها ها...لا سمح الله...انا بس عم قول هيك مشان ما ننقطع...

هو(يستشيط غضبا): لا حبيبتي...لا تخافي..انا عامل حسابي...

رح نروح علحمار أصدي الحصان متل إيام زمان انا وياكي مشان الرومانسية و الشاعرية..

هي: ههههههه آآآآآه....زكرتني بإيام الخوالي (كانت أيام سودا)هو:بتذكري لما اجيت على الحمار عفوا الحصان الابيض وخطفتك من عند اهلك

( كانت باطلة ومحولة هداك اليوم ) آه حياتي بتذكرية ؟

هي: ايه لكن يا حياتي؟ (يوم اسود متل هاد بينتسى؟) بنسى حالي و ما بنسى

و بتزكر كمان لما كنا علحمار اصدي الحصان ...قمنا و نحنا عم نضحك من كتر ما ضحكنا

و قعنا من عليه (و انا لعنت الساعة اللي طلعت فيها) و بس و قعنا حسينا بطرافة

الموقف و كملنا ضحك

هو: طيب شو رائيك نروح مشي وينزل علينا المطر ونركض بالشوارع متل

ما كنا نعمل و يسحل المكياج تبعك وتصيري متل( القردة ) القمر شو رأيك عمري ؟

هي:ايه حياتي...موافقة...(قردة بعينك ..سامعتك).

.بدي متل ايام زمان نمشي تحت المطر

(و انت تتزحلط لانو سباطك شبه مالو أرضية) و الشاعرية تغمرنا

هو: وبعدين طيب حياتي خلينا نروح هلئ ونحكي بالشارع ييييي مشان ما نتاخر

هي:يلا حياتي

الجزء الثاني :

(((بلمطلعم ...)))

هو: حياتي ليش اليوم عم حس انو غير كل مرة كانو اول مرة بشوفك فيا يييييي

شو رائعة اليوم

هي: يا عمري انت دايما بتشوفني متجددة لانو عيونك حلوين

(ايه مو ليكون عندك نظر يا خايب؟؟؟ نضاراتك هلسمك سمكهون عيونك مو مبينين...

دوبهون مخايلين من تحت العدسات)

حياتي يلا بعدلي الكرسي بس مشان الإتكيت يعني (اللي بعمرك ما اسمعت فيه)

هو: تكرمي حياتي لو بقدر لأعمل عمري كرسي وتقعدي علية بس

المشكلة انتي قاعدة بقلبي وما خرج تطلعي طول العمر منو

هي: لتعمل عمرك كرسي؟ كل هلأد بتحبني؟ يا الله...

اديه ربي رضيان عليي لما عطاني ياك

(لو بتحسن لعملتني ملطشة يا كزاب)

(((الزوج عم يطلع بالطاولة يلي وراة الزوجة وعم يشوف وحدة تانية صبية))))

هي: حياتي على شو عم تطلع؟

(ان شاء الله بتنقرف عينك)

هو *بينه و بين حالو*: ((حرام تكون ها المراة مرتي بدل ها الكركمة يلي قاعدة قدامي))

اي حياتي عفوا كنت سرحان شو بدي جبلك حلوان الصلحة

( ريتك تنقبري وتنامي وما تفيقي يا حق )

هي: كلشي منك حلو تشكل آسي(يجيبولي خبرك إلهي)

هو: طيب حياتي هلأ قليلي...شو بتحبي تتعشي؟

هي: امممممممه....اللي انت بتختارو يا عمري

(عم تسألني شو بدك تتعشي بكل عين قوية كمان؟؟

على اساس انت بتخليلي لقمة توحد ربها يا مفجوع)

(((اجى الكرسون..)))

الكرسون: شو بتحبو تتعشو ؟

هو: هية يلي بدا تطلب اليوم انا ضيف شرف عندكن والمدام هي االكل باللكل

الكرسون: الله يخليكون لبعض

هو: (((تروح فرم على ها الدعوة تتحورأ و ان شاء الله بتصير متل مرتي )))

هي: عيوني انت اطلوب حياتي

(معليشي يلا... مشان ما اطلوب شي تكون انت ما بتحبو و تاكلني بعدين)

هو: حبيبتي انا شايف انو نحنا التنين محتارين و مو جاية على بالنا شي...

هي:ايه والله يا قلبي...يمكن

هو: لكن شو رأيك نرجع علبيت و تساوي انتي عشا من تحت إيديكي الحلوين؟

هي:امممممممه..طيب يلا...أحسن شي

(يلا أحسن ما نطلوب عشا هلأ و ما يدفع حقو...

انا أصلا عرفانة انو رح يعمل هيك و ما معو حق العشا من أصلو)

هو: يلا حبيبتي...خلينا نمشي................

حبيب خلص ما عاد بدنا شي قايمين...

الكرسون: طيب متل ما بتحبو

(اللهم جيبك يا طولة البال...شو هلأشكال هي؟)

النهــــــــــــــــــــــــــــــاية

بعد السلام اقول واخيراااااااااااااااااااااااااا وصلت

تسلم ايدك على القصة الشيقة

الله يهديهم والله زوجين غرباء نوعا ما

جزاك الله الف عافية

من اختك لؤلؤة

الجزااااااااااااااااااااااااائر